Растот на Foursquare се забрзува. Секој месец по нови еден милион корисници се регистрираат на сервисот за споделување локација, кој сега има над 20 милиони корисници кои до сега вкупно споделиле 2 милијарди чекирања. Чекирање е кога некој ќе се пријави (и сподели на друштвените мрежи) дека е на одредена локација.
Сервисот претстави нова значка која го одбележува 16-ти април како 4sqDay, односно денот кога стигнаа до 20 милиони корисници.
Само за потсетување тригодишниот стартап Foursquare пред една година, во јуни 2011-та, имаше „само“ 10 милиони корисници. Со двојно повеќе и поголема популарност најверојатно ќе му треба помалку време за да стигне до следните 10 милиони. Можеби за помалку и од 6 месеци.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
