По одличната тема за историја на фотографијата, членот M.Pix го продолжува својот серијал со нов напис на тема Мајстори на фотографијата во кој говори за развојот на оваа уметност, луѓето кои се сметаат за врвни мајстори како Ансел Адамс, Јусуф Карш, Анри Картие Бресон и др. притоа споделувајќи ги нивните најпознати фотографии.
“Со кого и да се почне, нема да биде погрешно, бидејќи станува збор за врвни мајстори кои зад себе имаат оставено огромно фотографско наследство. Без желба да фаворизираме некој од тројцата, ќе почнеме со Адамс, поради неговиот придонес за развојот на црно белата фотографија.” вели во својот напис членот M.Pix.
Друг член, xenon, го дополнува написот со интересно мислење и дефиниција што е тоа што некого прави мајстор кога станува збор за фотографија:
Преку пионерите на фотографијата, историјата не учи дека не е многу важна, т.е. не игра пресудна улога опремата колку што има сенсот за композиција, начинот на кој фотографот остварува конекција со субјектот во портретна фотографија – ја вади личноста на површина односно заробува момент од времето кога еден сет фацијални експресии, положба на телото и сл. го отслкува човекот каков што навистина е, наместо да го пресликува сировиот екстериер.
Целата тема може да ја прегледате на ИТ форумот.
