Oмилената iPad апликација на Стив Џобс, Flipboard, сега има и iPhone верзија. Апликацијата е прекрасно визуелно уреден магазин во кој се сместени сите ваши Facebook, Twitter, Instagram и други статуси од други друштвени апликации.
iPhone верзијата на апликацијата ги има скоро исти функционалности како iPad верзијата, освен што е на помал екран, покомпактно дизајнирана и наместо хоризонтално, страните се вртат со вертикални движења. Апликацијата е дизајнирана така да се чита на вертикалниот (portrait) екран на телефонот.
Flipboard за iPhone ги има новиот Cover Sтories интерфејс кој ги прикажува сите најново закачени слики и постирани статуси на друштвените мрежи. Cover Stories ќе се појават наскоро и на iPad верзијата.
Најчесто корисниците го користат Flipoard на iPad кога се дома, наутро или после работа, па оттука доаѓа и потребата да се креира iPhone апликација преку која ќе може да се следат друштвените мрежи додека сте во движење и надвор.
Flipboard ја претстави својата iPhone верзија на oвогодишната Le Web конференција. Видео од презентацијата имате подолу:
[youtube]NEd66ok9DqM[/youtube]
Погледнете како Flipboard изгледа на iPad:
[youtube]iJ_DnDBsR9o[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
