Шпанија, Португалија, Бразил, Полска и Венецуела ќе бидат првите земји во кои од јуни ќе може да се купи Firefox телефон. До крајот на годината овие нови уреди ќе бидат достапни и во уште 11 земји меѓу кои и Србија и Црна Гора. Директорот на Mozilla, Гери Ковач, кој најави дека ќе си оди до крајот на годината, но ќе остане во бордот, вели дека фокусот на компанијата е кон пазарите во развој бидејќи таму можат да стартуваат евтин продукт кој би требало да добие на моментум и да стане конкурентен на Android и iPhone.
Но, зошто Mozilla мисли дека ќе успее таму каде што компании како BlackBerry и Microsoft не успеваат? WTF?, Волт Мосберг од AllThingsD го праша г. Ковач во интервју на D: Dive Into Mobile конференцијата.
