Mozilla ја објави најновата верзија на Firefox за Android, која сепак не содржи некој голем број на промени, но има забележливи промени во перформансите, подобрена навигација и уште неколку промени во изгледот.
Од Mozilla тврдат дека целиот нов интерфејс е забрзан, па „ќе забележите драматично подобрување“ во стартувањето на апликацијата, зумирањето и останатиот дел од функционирањето е побрз. Исто така, се направени и подобрување при рендирањето и додадена е поддршка за Flash.
Покрај тоа, Firefox 14 има и вградени опции за синхронизација, па во „awesome screen“-от, како што го нарекува Mozilla, ќе можете да ги видите сите ваши букмаркирани страници, историја и податоци на вашиот Android телефон.
Развивачите сега ќе може да развиваат и веб апликации со HTML5 кои без некакви потешкотии би работеле и на мобилните паметни телефони. Додека пак од Mozilla објавија и нови Web API-ја и ги испрати до стандардните групи со цел да се унапредни Вебот како платформа. Покрај стандардните, Mozilla помогна при развојот на Camera API, Vibration API, Mobile Connection API, Battery Status API, Screen Orientation API и Geolocation API.
[youtube]uKqyxhEUrBg[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
