Факултетот за информатички науки и компјутерско инженерство (ФИНКИ) одржа
свечена церемонија на која беа промовирани новите магистри на науки и дипломирани
студенти, воедно одбележувајќи го и 15-годишниот јубилеј од основањето на
факултетот.
На настанот присуствуваа бројни гости од академската заедница, институциите и
индустријата, меѓу кои ректорката на Универзитетот „Св. Кирил и Методиј“ проф.
д-р Билјана Ангелова, заменик министерот за дигитална трансформација, г-дин
Радослав Настасијевиќ Варџиски и генералниот извршен директор на А1
Македонија, г-дин Методија Мирчев, како и претставници од водечки компании и
партнери на факултетот.
“Во изминатите петнаесет години ФИНКИ се разви во една од водечките високообразовни институции во регионот во областа на информатичките технологии. Зад овој успех стои посветеноста на наставно-научниот кадар, административните служби, раководствата низ годините и, секако, студентите – кои со својот труд и талент ја градат репутацијата на факултетот“ – изјави Деканот на ФИНКИ, проф. д-р Петре Ламески.
Оваа година ФИНКИ бележи рекорден број дипломирани студенти и магистри. На
церемонијата беа промовирани:
- 41 магистер на науки
- 723 дипломирани студенти
Вкупно 764 нови ИТ професионалци, подготвени да придонесат кон развојот на
технологијата, иновациите и дигиталната економија.
Во рамки на настанот беа доделени и признанија за најуспешните студенти со
просечна оценка над 9.5, како и награди избрани од самите студенти во категориите
најколегијален, најангажиран, најпопуларен и најкомпетитивен дипломиран студент.
ФИНКИ изрази благодарност и до индустриските партнери кои континуирано го
поддржуваат развојот на факултетот и студентите, меѓу кои A1 Македонија, Valtech,
Loka и Singular.
„Вашата диплома не е само документ – таа е потврда за знаењето, упорноста и
подготвеноста да придонесувате во професионалниот свет“, беше истакнато на
свеченоста.
Свеченоста заврши со честитки до новите магистри и дипломирани инженери, кои од
денес се дел од генерациите ИТ професионалци што ќе придонесуваат кон развојот на
технологијата и иновациите.
Great milestone for FINKI—15 years and a record number of graduates is a strong reflection of how much the institution has grown and contributed to higher education and tech talent development in the region. It’s always encouraging to see universities celebrating both their history and their students’ achievements. After reading inspiring updates like this, I sometimes take a quick break with a fun game like Crazy Cattle 3D before getting back to more tech and education news.