ФИНКИ ќе стартува од септември

Според извор од еден од институтите, ова е позитивна насока која самите ИТ професори ја бараат последните 10 години. Најголема предност ќе биде обединувањето на наставниот и истражувачки кадар од двата ИТ института од државниот универзитет во Скопје, кои ќе изградат самостоен факултет кој ќе биде целосно ИТ-ориентиран. Со тоа, одлуките за насоките на развој на компјутерските науки и информатиката во Македонија ќе ги водат компјутерски научници. ФИНКИ како државен ИТ факултет ќе може ефикасно да ги распредели ресурсите кон нови, сопствени ИТ проекти и креирање нови студиски програми од областа на компјутерските науки.

Според текстот на законот, професори од двата ИТ института ќе станат дел од ФИНКИ, освен оние кои ќе поднесат писмено барање да останат на ПМФ или ФЕИТ.

Студентите при почетокот на студентската година ќе треба да изберат на кој факултет/институт ќе сакаат да продолжат.

„Затекнатите студенти на Институтот за информатика при Природно-математичкиот факултет и Институтот за компјутерска техника и информатика при Факултетот за електротехника и информациски технологии во состав на Универзитетот „Св. Кирил и Методиј“ – Скопје, од студиската 2011/2012 година го продолжуваат своето образование на Факултетот [ФИНКИ] или институтите според студиската програма по која ги започнале студиите.“, се вели во Законот.

Zakon Za Osnovanje Na Fakultet Za Informatichki Nauki i Kompjutersko Inzenerstvo Vo Sostav Univerzitetot Sv…