Фестивалот на европски филм, Cinedays, е можеби еден од најзначајните културни настани во Македонија. И иако настанот му е целосно посветен на филмот, сепак направи и мала историја во македонскиот дигитален маркетинг. Cinedays стартуваше експеримент во кој им дозволи на корисниците на Twitter да бидат режисери; и иако не е оригинална идеја, пред три години во Холандија имаше сличен проект, сепак е прва ваква македонска кампања. Кампањата е креирана од Publicis, маркетинг агенција која иронично учествуваше на панел на AllWeb кој предизвика бунт бидејќи се фаворизираше телевизијата пред дигиталниот маркетинг. Можеби по оваа успешна кампања ќе го сменат мислењето?
Гајле ми е што ме хејтате – @Gas_maska во третиот #филмвоживо на hotelcinedays.mk во 13 со @jocoska и @strezovski pic.twitter.com/FCk1qbTSaD
— Recepcionerot (@recepcionerot) November 19, 2015
Тагирани како #ФилмВоЖиво, Cinedays во три дена стартуваше три кратки филмови чие сценарио го креираа твитерџиите во реално време. Тие им кажуваа на актерите што да направат следно, а актерите, кои и самите се твитерџии, ги бираа најдобрите предлози и ја адаптираа приказната. Имаше приказна со писатели, љубовници и приказна со киднапери која на крај се претвори во љубовна драма. Твитерџиите очигледно обожаваат љубовни драми.
Што да ѝ направи киднаперот на девојка му? #филмвоживо
— Таше Стрезовски (@strezovski) November 19, 2015
овие двајца се љубовници, а врзаниов и маж на оваа. сеа планираат да го убијат јер многу се сакаат #филмвоживо
— Проданов (@bprodanov) November 19, 2015
Ете шо си праеле цела година муабет во ДМ, а овој љубоморен фејсбукчија бил а она немала ни фејсбук!! …#филмвоживо
— Ледена*Ledena (@TheLancome) November 19, 2015
ДРЖ СЕ ГАС ЌЕ ПЛАТАМ КОЛКУ ТРЕБА !111 КАЖЕТЕ ЦИФРА МАМЕТО ВАШЕ КИДНАПЕРСКО!!!!!111111 #филмвоживо
— Г-ѓа Старк (@MarincePink) November 19, 2015
#филмвоживо pic.twitter.com/UxJnIqROnE
— Медо (@MedoDimoski) November 18, 2015
Треба да се има на ум дека аганжираност на заедницата не значи ништо ако твитерџиите не го посетат фестивалот да погледнат некој професионално направен филм, што е и конечната цел на овој забавен интерактивен маркетинг. Но, судејќи според бројот на твитовите (над 460 за еден филм), нивната ангажираност, и според гневните реакции поради спам од тие што не го следеа филмот; Cinedays и Publicis можат да бидат горди бидејќи #ФилмВоЖиво беше успешен експеримент.
#филмвоживо pic.twitter.com/9RqzZ1E5tI
— Tilia Ivanovska (@TiliaIv) November 19, 2015
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Комкаст 
