Американското федерално истражно биро (FBI) конечно ја замени хартијата со дигитални податоци. Од сега целокупната документација која ја поседува агенцијата е дигитална. Целата операција чини 600 милиони долари, а замената е направена во рок од 12 години. Новиот систем на FBI за дигитално чување, пребарување и обработка на податоци е наречен „Sentinel“.
Покрај намалување на архивите во кои се чуваат ваквите податоци и некористењето на хартија за документите, сепак најголема предност на дигитализацијата е можноста за споделување на документите веднаш. Покрај ова претражувањето на податоците сега е неспоредливо побрзо.
Можноста за споделување на досиеа, документи и други податоци од предметите на кој работат агентите е слично како кај GoogleDocs, пример Sentinel има веб пребарувач во кој се отвараат табови и прозорци кои можат да се поместуваат, и форми со потполнување на одговори. Но, иако наликува на популарен комерцијален софтвер, сепак клучната предност на Sentinel е напредното пребарување, односно преберување и споредба на податоците низ сите активни случаи.
Интересно е што поголем предизвик за имплементација на софтверот не била неговата цена, туку и покрај целокупната предност на системот убедувањето на агентите да го користат.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
