Наместо Google, пет oвци со 360º камери ги мапираат Фарските oстрови

На жителите на Фарските острови им се здосади да го чекаат Google за да го мапира островот со Street View, па решија да бидат иновативни. Иницијатор на целиот потфат е Дурита Дал Андреасен од Visit Faroe Islands, која самата направи голем дел од опремата. Но, тоа што е интересно во овој потфат е што тимот искористи овца, наместо автомобил, да го мапира островот.

Со помош на локалните овчари и специјално изработен држач за камери, тие „опремија“ пет овци со 360º камери и го снимија прекрасниот остров. Додека овците се шетаат, сликите заедно со GPS координати се испраќаат до г-ѓа Андреасен која потоа ги прикачува на Google Street View, вели Guardian.

Google пак засега немаат намера да започнат со Street View на Фарските Острови, но ги охрабруваат сите кои можат и имаат некаква идеја за Street View самите да го направат тоа, а можат и да се пријават и да ја позајмат камерата на Google.