По првпат од излегувањето на Fallout 4 (2015), издавачите Bethesda решија бесплатно да ги отворат портите на еден од најсложените постапокалиптични светови.
Но, само за претстојниот викенд.
Навлегувањето во Fallout 4 е повеќе од наградувачко, дури и во форма на краток дводневен престој. Играта ќе знае како ве вовлече во огромниот свет, интригантни патешествија, комплексниот гејмплеј и напредните можности за правење оружја, роботи, па дури и цели населени места.
Покрај Steam корисниците, играта ќе биде достапна и за сите Xbox LiveGold членови и тоа еден ден порано од PC гејмерите. Бесплатниот пробен период на Steam започна од 26.мај, а ќе трае сèдо 28.мај.
Искуството во кампањата не е на никој начин ограничено. Ќе можете и да активирате модови, но нема да можете да уживате во предностите кои доаѓаат со последователните премиум, платежни додатоци. За време на ваквата промоција, Fallout 4 се продава со 67% попуст. Доколку ја купите играта, непречено продолжувате со играњето од моментот кога сте застанале со пробното тестирање. Сезонската пропусница, од друга страна, е со 40% попуст, но и понатаму е дискутабилно дали цената ја оправдува содржината. Ние бевме исклучително импресионирани од проширувањето Far Harbor, но не премногу со второто поголемо проширување насловено како Nuka World.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Tesseract Interactive 
DARK-1 
