Штом премиерот Никола Груевски изговори „Кој ќе ми каже фала за изгубеното време?“ на митинг на ВМРО, знаевме дека е прашање на време кога твитерџиите, секогаш расположени за битки против политичарите, ќе го претворат тој говор во креативна иронија.
Веќе два дена на Twitter се спамира со #фалаНикола хаштагот преку кој твитерџиите му се заблагодаруваат на премиерот. Хаштагот стана вирален веднаш, и според Follow the hashtag, има над 1.500 твита со #фалаНикола во два дена, кои имаат потенцијална публика од над 680.000 корисници, иако оваа бројка е малку преценета.
