Facebook e во преговори да го купи Titan Aerospace, компанија која прави соларни беспилотни летала кои можат да летаат блиску до орбитата за цели пет години без да мора да слетаат. Преку леталата Facebook ќе испорачува интернет конекција до руралните средини без интернет пристап, вели TechCrunch.
Аквизацијата, која ќе го чини Facebook околу 60 милиони долари, ќе биде дел од Internet.org иницијативата која друштвената мрежа ја започна неодамна со други ИТ гиганти, со цел да го поврзе целиот свет. Беспилотните летала на Titan Aerospace може да летаат до 104 километри на час, и ќе бидат искористени во далечните региони и во Африка. Во светот само 2,7 милијарди луѓе од вкупно 7 милијарди имаат пристап до интернет, вели Марк Закерберг. Но, освен желбата да се биде хумано и да се поврзат луѓето, очигледно е дека Facebook сака да допре до потенцијални корисници кои ќе можат комуницираат од било каде во светот преку WhatsApp, новата апликација на Facebook за која оддели околу 16 милијарди долари.
[youtube]XmN13LnBk3c[/youtube]
