Во последно време често се дискутира дека Facebook кон крајот на летото ќе го објави Facebook Jobs, сервис за вработување кој ќе биде сличен на LinkedIn. Ваков сервис е можеби природна еволуција на Facebook бидејќи компаниите се почесто ги проверуваат своите кандидати на друштвените мрежи за да откријат нешто повеќе за нив од тоа што го презентираат во своето резиме.
Извештај од аналитичари на Dow Jones неодамна ни откри дека од Facebook ќе агрегира огласи за работа од три компании – BranchOut, Jobvite и Work4 Labs, но не и LinkedIn. Во моментот Facebook има повеќе од 900 милиони активни корисници на месец, додека LinkedIn брои нешто помалку од 150 милиони. Доколку шпекулациите се е точни и Facebook ги изведе на најдобар начин, ова ќе биде најголемата закана за LinkedIn.
Но, според луѓето кои се запознаени со ситуацијата, Facebook не е кој знае колку посветен на проектот. Не се знае ни како тие огласи ќе бидат интегрирани и дали ќе се споделуваат во фидот за вести. Поради тоа LinkedIn може да се опушти, барем во моментов.
Овие шпекулации за огласи за работа излегоа откако Facebook започна Social Jobs Partnership со американското Mинистерство за труд. Во таа програма, еден од партнерските планови беше да се развие систем преку кој огласите за работа ќе може да се објавуваат и вирално да се прошируваат низ мрежата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
