Иницијативата на Facebook, Internet.org, издаде Android и веб апликација која ќе им овозможи на жителите на државите во развој бесплатен пристап до повеќе апликации, јави Гај Росен, продукт менаџер во Facebook.
„Со оваа апликација луѓето ќе можат да разгледаат низа корисни здравствени податоци, податоци за вработување или локални информациски сервиси без за тоа да плаќаат. Со обезбедување на основни услуги преку апликацијата, се надеваме дека ќе им овозможиме на повеќе луѓе да бидат онлајн и да откријат вредни услуги, кои поинаку не би ги имале“.
Апликацијата ќе биде достапна најпрво во Замбија и тоа за корисниците на Airtel. Преку апликацијата корисниците ќе имаат бесплатен пристап до: AccuWeather, Airtel, eZeLibrary, Facebook, Facts for Life, Google Search, Go Zambia Jobs, Kokoliko, MAMA (Mobile Alliance for Maternal Action), Messenger, Wikipedia, WRAPP (Women’s Rights App) и Zambia uReport. Internet.org во соопштенијето појасни и дека нема да застане на Замбија туку ќе следи покривање и на други краишта на светот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
