Веќе постојат еден куп сајтови, ресурси и книги кои им овозможуваат на корисниците бесплатно да ја научат една од најважни вештини во моментов – да научат да програмираат. Меѓу нив е и бесплатната Eloquent JavaScript, книга издадена под Creative Commons лиценца, чиј автор, Марјин Хавербик, е креаторот на Code Mirror. Книгата ги запознава читателите со основите на кодирањето, но дел од последните поглавја им помагаат на корисницте да креираат сопствени апликации, како на пример, веб-базирана платформска видеоигра или апликација за цртање.
Eloquent JavaScript е издадена со помош на неколку поддржувачи кои донираа средства за издавањето. Помеѓу донаторите се Mozilla, Hack Reactor и Ghostery, а веќе се работи на е-Книга и на верзија прилагодена за принтање.
