Facebook го објави Notify за персонализирани и актуелни вести

Notify е нова iOS апликација од Facebook која прибира вести и статии и редовно го информира корисникот за најважните и најинтересните вести, преку нотификации. Податоците доаѓаат од над 70 новински агенции и организации, помеѓу кои се и CNN, Fox News и Washington Post.

Како и сличните апликации и Notify на Facebook овозможува персонализација со избор на категории, извори или пофокусирани категории од интерес. Така во споменатите категории апликацијата со корисникот споделува вежби за медитација, FOX Sports е задолжен за спортските резултати, а Fandango за најновите филмски трејлери. Нотификациите стигаат на екранот, а корисниците можат да ги отворат и да ги прочитаат во прелистувачот на самата апликација. Дополнително, може да се споделат нотификациите преку имејл, порака, статус на Facebook и останатите друштвени мрежи.

Апликацијата засега е достапна единствено во САД, иако заобиколувањето на локациските забрани, никојпат не претставувало проблем за корисниците.