Загрижен дека мобилните апликации за чет ќе го одвлечат вниманието на корисниците од друштвената мрежа, Facebook се реши да го купи WhatsApp за неверојатни 19 милијарди долари. Оваа сума, која Facebook на WhatsApp ќе му ја исплати во пари и акции, е рекордна зделка во ИТ индустријата до сега. Oколу 4 милијарди ќе бидат исплатени во кеш, а 12 милијарди во акции. Но зделката може да достигне до 19 милијарди бидејќи вработените во WhatsApp ќе добијат ограничени акции во наредните четири години. По аквизацијата, WhatsApp ќе продолжи да работи самостојно без мешање од Facebook, слично како Instagram за кого Facebook плати околу 800 милиони долари пред една година.
„WhatsApp е на пат да поврзе милијарда луѓе. Услугите кои стигаат до оволкав јубилеј се неверојатно вредни. Го познаван Јан долго време и возбуден сум од партнерството со него и неговиот тим со што ќе го направиме светот поотворен и поврзан“, вели Марк Закерберг.
Facebook со интеграцијата со WhatsApp ќе добие 450 милиони корисници од кои 70 отсто се активни секој ден, и проток на пораки кој е еднаков на вкупниот број на SMS пораки од телекомите.
„Возбудени сме и почестени поради партнерството со Марк и Facebook додека го приближуваме нашиот продукт на се повеќе луѓе низ светот“, вели Јан Коум, ко-основач на WhatsApp.
Останува да видиме дали можеби следната верзија на WhatsApp ќе доаѓа до именик кој ќе биде составен од сите Facebook пријатели на корисникот. Според првичната реакција на ко-основачот на WhatsApp, Јан Коум, се чини дека токму зголемување на бројот на корисници и подлабока интеграција со Facebook контактите е причина за аквизицијата.
Facebook bought Whatsapp for 16 billion dollars. HAHA idiots! They could have downloaded it for free!
— Nicky Romero (@nickyromero) February 19, 2014
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
