Гласините беа точни. Facebook за околу 100 милиони долари го купи израелскиот стартап Face.com. Oвој стартап основан во 2007 година, е познат по нивната технологија за препознавање на лице, што значи дека наскоро може да очекуваме уште полесно тагирање на пријателите на милионите споделени фотографии на друштвената мрежата.
Со аквизацијата Facebook ќе ја добие технологијата на Face.com, но и тимот на талентираните програмери.
„Се надеваме дека работејќи директно со Facebook, и придружувајќи им се на нивниот тим, ќе имаме повеќе можности да направиме одлични продукти кои ќе се користат од луѓето – тоа е што и сакавме да го работиме.“, вели тимот на Face.com.
Стартапот има објавено јавно API за да се користи технологијата и од други апликации, што Facebook рече дека ќе продолжи да го поддржува, и ја има мобилнат апликација Klik преку која може да се тагираат Facebook пријателите кои ќе бидат препознаени на фотографиите.
