Марк Закерберг само што објави на својот Facebook профил дека го купи Instagram, мобилна апликација за споделување на фотографии, за скоро една милијарда долари во кеш и акции.
Instagram стана неверојатно популарна апликација за iPhone поради можноста да се едитираат фотографиите со филтри и да се споделуваат со пријателите. Откако забележа успех на iOS, имаше над 20 милиони корисници кои споделија 100 милиони фотографии, Instagram стартуваше и Android верзија. Оваа верзија беше објавена минатата недела и за само еден ден беше симната неверојатни еден милион пати.
„Facebook и Instagram нудат различно искуство, но се надополнуваат едно со друго. Но, за да го направиме ова како што треба, треба да бидеме внимателни и да го изградиме Instagram, наместо да го интегрираме во Facebook. Токму затоа ќе останеме посветени на независно градење на Instagram.“, вели Закерберг.
Тој додаде дека тоа што Instagram е поврзан со други сервиси покрај Fаcebook е и една од предностите на сервисот за фотографии, и затоа ќе се задржи таа функционалност да соработува и со другите друштвени мрежи. Ова е прва аквизиција на Facebook на сервис со дестина милиони корисници.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Тоа да, ама ете пример Dropbox, и Џобс даде понуда да ја купи компанијата, ама тој што сака да тера свој бизнис, без да му се меша некој, и без да постанува нечие пиунче, не ја продава..
Секој што има фирмичка со 10-20 вработени, ако му понудат 1 милјарда долари нормално дека ќе ја продаде.
Ништо, се што можеше да се купи од малите бизниси е купено, и не постои.. што ќе беше ова, никој неможе да истрае независен? :(