Европскиот парламент донесе нов закон кој треба да обезбеди поголема безбедност нa личните податоци, велат европските комесари, Вера Јурова и Франс Тимерманс. Новиот закон ќе воведе построги казни за компаниите кои не го почитуваат законот, а максималната казна ќе биде 4 отсто од годишната соработка.
#EUdataP package is a historic victory for#EU citizens & a stepping stone towards a truly European digital single market #DSM @Europarl_EN
— Viviane Reding (@VivianeRedingEU) April 13, 2016
Законот предвидува построги правила за компаниите кои се поголеми. Тие мора да назначат и лице задолжено за заштита на личните податоци, а сите компании мора да го пријават пробивањето на податоците во рок од 72 часа; децата мораат да добијат дозвола од родителите за користење на социјални мрежи; се проширува „правото да бидеш заборавен“ на интернет; и има уште куп други мерки кои ќе ја зголемат безбедноста на корисниците.
„Овој закон е огромен чекор напред за Европската унија, за основните човекови права во Европската унија, и покажува дека може да донесеме правна рамка за дигиталната ера, но и дека може да донесеме демократски мерки кои ќе имаат големо значење за граѓаните и корисниците од Европската унија“, вели Јан Филип Албрехт, пратеник во Европарламентот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
