Facebook ќе предложи фреквенција од 60GHz која би се користела за интернет сообраќај во густо населените урбани средини. Прокетот Terragraph веќе се тестира во седиштето на социјaлната мрежа во Пало Алто, Калифорнија, а наскоро е најавен и поголем тест во Сан Хозе. Проблемот на оваа фреквенција е што и помалите препреки го блокираат сигналот, а решението на Facebook е креирање на мрежа која ќе ги заобиколи ѕидовите. Дополнително радиусот на реонот кој се покрива е мал, па за покривање е потребен поголем број на антени кои се поставени на растојание од 250 метри.
Антените се постaвуваат на столбови, а за нивно поставување може да се искористат постоечките светилки. Технологијата овозможува доволна флексибилност за да може да се заобиколат препреките. Тестовите во Сан Хозе треба да ја докажат употребливоста на Terragraph во урбаните средини. Градот е со повеќе населби со различна топографија, па треба да биде доказ дека Terragraph може да се користи и надвор од лабораториски услови. Во моментов во овој опсег, има слободен спектар од околу 7 GHz, но голем дел од напредните држави работат на ослободување, па во иднина се предвидува ширината на слободниот спектар да биде 14GHz.
