Europol ги знае 100-те криминалци кои ги водат сајбер-бандите

Има само стотина шефови на чело на сајбер-криминални банди во светот, кои стојат зад глобалниот сајбер криминал, вели шефот на Europol Cybercrime Centre, Троелс Оертинг во интервју за BBC Radio. Шефот на одделот за сајбер криминал открива дека идентитетот на „поглаварите“ им е генерално познат и дека доколку успеат да ги затворат нив ќе колабира целиот сајбер криминал. Најголем дел од шефовите на сајбер криминалните банди се наоѓаат во држави од руско говорно подрачје.

„Криминалците повеќе не ги преминуваат нашите граници, тие своите криминални дејства ги прават од далеку и поради ова не можеме да ги користиме традиционалните методи за да ги фатиме…“, вели г.Оертинг. „Криминалците имаат повеќе ресурси на располагање и немаат пречки. Мотивирани се од алчност и профит и креираат злонамерен софтвер со брзина на која е тешко да одговориме“.

Г. Оертинг рече дека соработката помеѓу Europol Cybercrime Centre и руската полиција станува подобра, а двете страни се во континуиран контакт што ќе им ја отежне работата на сајбер криминалците. Како најголем проблем е потенцирана можноста сите да го преземат злонамерниот софтвер и потоа да го користат, без притоа да има било какова потреба од тоа да бидат сајбер експерти.

„Тоа што треба да ги загрижи корисниците е кражбата на нивните приватни и чувствителни информации – пристап до вашиот имејл, Facebook профил, Доколку тие знаат доволно за вас можат да ви ги ресетираат Google или Apple акаунтите и да ви го преземат животот“.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments