{mosimage}Со испраќање на еден вид ултиматум од две години, Европската Унија бара од гејминг индустријата да изнајде решение преку кое ќе може да ги заштити очите на малолетните од насилни и крвави сцени присутни во скоро секоја популарна игра. На прес конференцијата беше истакнато дека овој потег е важен бидејќи игрите значајно влијаат на општествениот развој.
Нерешениот мит околу тоа дали игрите всушност охрабруваат агресивно однесување кај децата повторно стана актуелен како и поврзување на агресивните игри со огромна популарност со се почестите случувања во светот каде што малолетни студенти се обидуваат да убијат свои соученици.
ЕУ изјави дека доколку не се најде начин ќе мора после 2 години да донесе закони и да ги забрани поголемиот број од игри. Исто така од европските комесари беше истакнато дека компаниите кои произведуваат игри треба повидливо да го истакнуваат логото кое објаснува за кого е наменета играта во своите рекламни пораки.
Сегашните методи и закони за регулирање на овој проблем според ЕУ се покажале како несоодветни за реалната ситуација.
