Веќе цела година како Epic Store се труди да ги освои гејмерите. Првин, со по една игра на две недели, па по 2 игри секоја недела, за да сега реши да ја заврши годината со 12 игри.
Дарежливоста ќе започне на 19 декември и ќе трае до новата година.
Претпоставуваме дека Epic планира да нуди по една бесплатна игра секој ден. Ваквото промо се поклопува и со датумот на нивната прва новогодишна распродажба. Доколку бесплатните игри не ви се допаднат, би можеле да си купите нешто од бројните игри кои ќе бидат на попуст.
Интересно е тоа што 19 декември е и датумот на распродажбата на Steam. И додека другите продавници, како GOG и GMG, даваат сè од себе да понудат распродажба пред таа на Steam, Еpic се чинат крајно самоуверени. Зошто и не би биле кога поголемиот дел од нивните наслови се ексклузиви?
Коментари
Нема коментари. Отвори форумска тема и започни ја дискусијата.