Emit Knowledge 
Envoice е македонска алатка за фактурирање и наплата на фактури изработена од тимот на Emit Knowledge. Алатката ќе им помогне на сите фриленсери кои за наплата на својата работа користат дел од најпопуларните платформи. Ова најчесто е здодевен и репетитивен процес кој на фриленсерите им троши време кое можат попаметно да го искористат. Сервисите за наплата, интегрирани во Envoice се: Paypal, Payoneer и Stripe кои и најчесто се користат.
Се чини дека сите најдобри платформи и сервиси се плод на желба за надминување на сопствени проблеми, или како што вели Марјан Николовски, сопствени фрустрации.
„Envoice како идеја настана од сопствената фрустрација за испраќање на Word/PDF фактури до нашите клиенти. Пред да го изработиме Envoice, имавме три процеси: испраќање на фактури до постоечки клиенти; испраќање на фактура до нов клиент; оддржување на листа на фактури и статистики во Excel“, вели г. Николовски од Envoice.
Бројот на конкурентни сервиси не е мал, но едноставноста и вниманието кое од Emit Knowledge го обрнале и на најмалите детали е клучно за квалитетот на овој сервис. Envoice доаѓа со одлична Dropbox и Google Drive интеграција, што секако е клучно за едноставно додавање на фајлови на фактурите.
Што можат да очекуваат корисниците на Envoice
- Брзо фактурирање – испраќање на фактури за помалку од една минута;
- Следење на фактурите – Клиентите можат да следат сè (слично како и на Amazon), кога е отворена фактурата, кога е преземена и кога е платена;
- Интеграција со PayPal, Stripe или Payoneer. Ова овозможува побрзо наплаќање на фактурите. Поддржани се најпопуларните валути, а доколку се покаже потреба ќе бидат додадени и нови;
- Нотификации за секоја фактура. Корисникот ќе добие известување по наплатата на секоја фактура;
- Автоматско дуплирање на фактурите – Доколку некоја фактура е идентична корисникот може да ја ископира и да ја испрати истата;
- Автоматско известување на книговодителот за издадените фактури. Можност за преземање на PDF и принтање на фактурите за нивно локално чување;
- Едноставен финансиски извешај;
- Креирање на персонализирани фактури со додавање на лого на истите;
- Додавање на повеќе дополнителни документи на фактурите, PDF или Word фајлови.
Денес секако не смее да се заборави и на онлајн безбедноста и приватноста. Затоа целокупната комуникацијата е преку SSL криптирана линија. Податоците се дуплираат и криптираат секојдневно.
Envoice има изненадување за читателите на IT.MK, па со користење на следниот линк ќе може да се регистрате и да добиете попуст на годишната претплата.
Повеќе податоци за Envoice може да прочитате на нивниот блог.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] стартап Emit Knowledge, развивач на Envoice, претстави нова самостојна алатка. Станува збор за […]
[…] насочени кон пласирање на нашиот последен производ Envoice – алатка за фактурирање и online наплата. Од аспект на […]