Елон Маск објави планови за „сериозно“ намалување на неговото учество во владата на САД по наглиот пад на профитот и продажбата на Tesla на електрични автомобили на почетокот на 2025 година.
Маск го води неодамна формираниот Оддел за владина ефикасност (DOGE) од минатата година, улога што го стави во центарот за намалување на федералните трошоци и намалување на работните места во јавниот сектор.
Сепак, соочувајќи се со критики за одвлекување на вниманието од Tesla, Маск изјави дека неговото временско распределување за DOGE значително ќе се намали почнувајќи од следниот месец. Тој додаде дека ќе посвети само еден до два дена неделно на владиното тело. Практично кажано – DOGE ќе му биде side-job на Маск.
Неговиот политички ангажман доведе до глобални протести и повици за бојкот на возилата на Tesla. Привремените владини службеници како Маск обично се ограничени на 130 работни дена годишно, ограничување што тој треба да го достигне кон крајот на следниот месец.
И покрај ова, не е јасно кога Маск – кој донираше над 250 милиони долари за реизборот на Трамп – целосно ќе се повлече.
Трамп неодамна рече дека ќе го задржи Маск „сè додека може“.
Маск рече дека ќе се фокусира повеќе на Тесла, но нема целосно да ја напушти администрацијата на Трамп, нарекувајќи ја својата улога „критична“ и ветувајќи дека ќе остане колку што е потребно.
Tesla објави пад на продажбата од 20% и пад на профитот од 70% во првиот квартал. Акциите паднаа за 37% оваа година, но пораснаа за над 5% во тргувањето по работното време.
Тарифите на Трамп кон Кина дополнителено притиснаа врз Tesla, која користи делови произведени во Кина и покрај тоа што автомобилите се склопуваат во САД. Компанијата предупреди дека „брзата трговска политика“ може да ги оштети синџирите на снабдување и да ги зголеми трошоците, со што ќе влијае на побарувачката.
Маск се судри со неколку претставници на Трамп околу трговијата, изјавувајќи дека Tesla е помалку погодена поради регионалните синџири на снабдување, но призна дека царините влијаат негативно на компанијата, особено оние со ниски маржи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
