Elocance е алатка која ќе биде првенствено ценета од лица кои имаат одредени потешкотии при читањето. Од друга страна, можеби немате проблеми со читање, но сте во движење и повеќе сакате содржините од посетената страна да ви бидат прочитани. Elocance ем функционира како алатка за вашиот прелистувач, ем како апликација за вашиот телефон. Имено, откако ќе инсталирате Elocance и на Chrome и во вашиот телефон, логирајте се со истиот акаунт и сите мејлови, веб страни и документи кои ги добивате ќе ви бидат читани.
Во моментот кога ќе наидете на нешто што би сакале да ви биде прочитано, потребно е да кликнете на соодветното копче од лентата со екстензии и да изберете Add this page to my library. Доколку сакате да ви биде прочитан некој документ, потребно е да ги првин upload-ирате. Во ситуации кога прелистувате од вашиот телефон, потребно е да го допрете копчето Share и да ја изберете опцијата за праќање до Elocance.
Преку самата библиотека во апликацијата го започнувате процесот со читање на текстот. Од тука и можете да изберете прочитаното да биде со некој друг глас или пак да откриете некои нови работи за „слушање“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
