Ако некогаш сте се запрашале како изгледа смртта на некоја социјална мрежа, сега преку крајот на Friends Reunited имате можност за седиште во првиот ред. Friends Reunited е социјална мрежа стартувана во 2000-та година и која никогаш не беше најпопуларна, иако во најдобрите денови имаше околу 25 милиони корисници. Сега бројот на корисници е минимален, а мрежата веќе му здодеа и на основачот Стив Панкурст кој планира затворање и започнување на нов проект.
За среќа г. Панкурст ја продаде Friends Reunited на ITV за 250 милиони долари. Тој повторно се најде во компанијата во обид да ја заживее социјалната мрежа во оваа ренесанса на мрежи. Но, и самиот призна дека шансите за успех и заживување на нешто што е старо и во опаѓање, вели за Daily Mail.
Она што е интересно дека од 10 милиони регистрирани корисници, сепак само мал број ја користат мрежата. Оние што сè уште ја користат го прават тоа за испраќање на пораки. Можеби креирањето на ваков форум/апликација би било поинтересно и за преостанатите корисници.
Сепак новиот проект на г. Панкурст не е социјална мрежа. Life е место на која можат да се зачуваат слики, и за разлика од сите останати социјални мрежи сликите не се споделуваат. „Life ќе биде одличен за да го зачувате животот на детето низ слики и сеќавања. Но, сакам да можам да се вратам во минатото, да го мапирам животот на татко ми со разговори со мајка ми.“
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
