Лаптопот кој по многумина е најдобриот лаптоп за 2016-та година, надминувајќи го дури и MacBook Pro ќе добие нов модел. Dell најави дека нивниот лаптоп – XPS 13 наскоро ќе добиде хибриден, таблет/лаптоп модел.
Надградбата не застанува тука. Dell ќе го надгради и процесорот па новата верзија на лаптопот ќе доаѓа со Kaby Lake процесор. Оваа генерација на процесори доаѓа со Intel HD Graphics 615 графичка картичка. Новата верзија ќе доаѓа со:
- i5 или i7 процесор;
- 4 до 16 GB LPDDR3 RAM;
- од 128 GB до 1 TB SSD;
- 720p камера со поддршка за Windows Hello отклучување;
- читач на отпечаток,
- батеријата според најавата е 46 W/h.
Изгледот е речиси идентичен, иако димензиите се малку помали на новиот лаптоп, јави Windows Central.
Компанијата најави и надградба за XPS 15 кој покрај Kaby Lake процесор ќе добие и нова графичка картичка. Овој пат тоа е Nvidia GTX 1050 со 4GB RAM. За потсетување новите графички на Nvidia немаат разлика на перформансите кога мобилните верзии се во прашање.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
