Дигиталната валута Биткоин не престанува да ги руши рекордите, цената на една монета на Mt. Gox достигна 1.000 долари. Цената е во пораст и на останатите берзи и во моменот просечна цена на монетите е околу 945 долари. Со оваа цена вредноста на биткоините кои се во оптек достигнува вредност од 11,4 милијарди долари.
Цената на еден биткоин пред еден месец беше 200 долари, а оттогаш е порасната речиси пет пати. Порастот се должи на се поголемиот интерес на инвеститорите, но и на се поголемиот интерес за валутата на кинескиот пазар. Покрај се поголемиот овојпат позитивен медиумски интерес се поголем е и бројот на продавници кои ја прифаќаат дигиталната валута.
Над 250 продавници објавија дека овој „Black Friday“ ќе прифаќааат уплати со дигиталната валута. Целта на оваа акција е подигање на профилот на биткоин, со што повеќе корисници ќе го користат и ќе го направат потежок за регулација. Прифаќањето на биткоините, ќе овозможи поголем бенефит за продавачите, бидејќи трансакциите во биткоини ќе поминат без дополнителни уплати за трансакциите кои ги наплаќаат банките.
