Naan Studio, компанијата која стои позади развојот на Echofon, ја објави апликацијата за Android на овој Twitter клиент. Инаку, апликацијата е од поодамна достапна на iOS, додека десктоп варијантата е укината од овој месец и може да ја користат само тие што веќе ја имаат преземено.
Echofon за Android содржи виџети, синхронизација помеѓу повеќе уреди, push известувања, користење на повеќе Twitter сметки и слично. Иако, апликацијата изгледа функционална, сепак има уште функции кои треба да бидат вклучени во иднина, како што се прегледување на сликите во апликацијата и интегрирање на „in-app прелистувач“.
Echofon содржи и виџет кој можете да го додадете на некој од екраните на вашиот телефон, како и избор помеѓу светол и темен изглед на апликацијата.
Echofon за Android можете да го преземете од Google Play маркетот.
[youtube]39yoiJLr0eM[/youtube]
