Сајбер напад од пред три месеци ги натера eBay да ги повика сите 145
милиони клиенти да ги променат своите кориснички податоци. Компанијата објаснува дека финансиските податоците се безбедни, но во сајбер нападот се компромитирани криптираните лозинки и нефинансиските податоци.
Нападот се случил кон крајот на февруари или почетокот на март, а во украдените податоци покрај лозинките, спаѓаат и имејл адресите, домашната адреса, телефонските броеви и датата на раѓање. Напаѓачите ги украле податоците откако дошле до логини и лозинки на дел од вработените, што понатаму им овозможило пристап до серверот.
„Безбедноста на информациите и заштитата на корисничките податоци се од огромно значење за eBay Inv., еBay жали поради непријатностите и загриженоста кој ова ресетирање на лозинките може да ги предизвика кај нашите клиенти. Знаеме дека клиентите ни укажале доверба со нивните податоци, а ние сме сериозни во намерата тие да бидат безбедни, сигурни и доверливи на глобалниот пазар“.
Засега нема податоци за злоупотреба на податоците од напаѓачите, но сепак eBay им советува да бидат внимателни, особено доколку ја користат истата комбинација на имејл адреса и лозинка и на други сервиси. Компанијата објави дека веќе започнала да испраќа пошта до своите корисници со која ги предупредува да ги променат лозинките на eBay, но и на сите места каде што ја користат оваа лозинка.
