Game oven, стартап од Утрехт основан од Бојан Ендровски и Адриан де Јонг, ја објави својата најнова игра Bounden, која од денес, 21 мај, е достапна на App Store. Гејминг студиото е познато по своите друштвени игри кои се играат со повеќе луѓе, и Bounden не отстапува од тој концепт, туку е можеби и нивната најдобра осмислена игра. Aко претходните Bam Fu и Fingle бараа играчите да ги испреплетуваат прстите во забавни игри, Bounden всушност ги учи да играат балет.
Bounden was made in our own engine, an engine entirely done by @furiouspixels. We think that’s pretty insane. Pretty. Insane.
— Game Oven (@GameOvenStudios) May 21, 2014
Bounden е направена во соработка со Холандскиот национален балет, чии кореографи ги креираа движењата кои мора да ги направат играчите за да го изиграат балетот. Со Bounden, двајца играчи го држат телефонот и играат балет така што ги следат предодредените маркери на апликацијата. На прв поглед ќе ви изгледа дека се заплеткувате со другиот играч, но за брзо време, откако ќе ги совладате движењата, и сфатите како треба да се движеите, играта се претвара во прекрасен танц.
Играта во моментов е достапна само за iOS, и е одложена за Android поради проблеми со фрагментацијата, интересно илустрирани тука.
