Корисниците и љубителите на MacOS, особено на Mojave верзијата на оперативниот систем на Apple го имаа ексклузивното задоволство да уживаат во Dynamic Desktop опцијата каде автоматски се менуваат 16 слики на пустина, во зависност од времето во денот. Едноставно, но навистина интересно за одреден степен на десктоп имерзивност.
Благодарение на WinDynamicDesktop, и поклониците на Windows 10 оперативниот систем на Microsoft можат да уживаат во впивање на ваквата пустинска динамика. Се што треба да направите е да го преземете софтверот и да почекате дополнително да се преземат шеснаесетте слики од пустината. Потоа, внесете ја вашата локација за да може да се прилагоди циклусот за ажурирање, во зависност од изгрејсонцето и зајдисонцето.
Со најновата 1.4 верзија, WinDynamicDesktop се вдомува и во Microsoft Store, подобрува одредени грешки кои предизвикуваа неочекувано исклучување, а и воведува пофлексибилна можност за проверка на надополнувања.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
