Ако нешто сакаат гејмерите повеќе од игри, тоа се бесплатни игри. Овојпат привремено се достапни не една, туку две игри. Едната игра е достапна преку клиентот на Epic Games, а другата преку Steam! Да не должиме, ова се игрите кои бесплатно можете да си ги зграпчите и засекогаш да ги играте:
Warhammer 40,000: Gladius – Relics of War
Warhammer 40,000 лиценцата се дава на сите страни и се користи од бројни девелопери, но поголемиот број од игрите не се премногу добри. Warhammer 40,000: Gladius – Relics of War е исклучок на оваа клетва и се истакнува како една од најдобрите игри од овој универзумот.
Се работи за 4Х стратегија чии гејмплеј механики се засновани на запазување редови. На располагање имате четири фракции кои на уникатен начини истражуваат, се прошируваат, експлоатираат и уништуваат се што ќе се осмели да им застане на патот.
Warhammer 40,000: Gladius – Relics of War е бесплатно достапна на Epic Store. За играта имате на располагање и зашеметувачко многу додатоци, но верувајте дека, како за почеток, апсолутно од тоа не ви е потребно. Подоцна, откако ќе се вљубите во играта, би можеле да го продолжите искуството со некој додаток, но сега за сега Warhammer 40,000: Gladius – Relics of War нуди одлично искуство како самостоен продукт.
Tiny Tina’s Assault on Dragon Keep: A Wonderlands One-shot Adventure
За многумина, Borderlands 2 е една од најдобрите игри од серијалот. За многумина, Tiny Tina’s Assault on Dragon Keep e едно од најдобрите додатоци за Borderlands 2. Токму поради тоа, Tiny Tina’s Assault on Dragon Keep: A Wonderlands One-shot Adventure се чини како добитна комбинација, наспроти тоа што поголемиот дел од рецензиите би можеле да ви кажат.
Tiny Tina’s Assault on Dragon Keep: A Wonderlands One-shot Adventure е всушност додатокот, но во самостојна форма и за да го играте нема потреба претходно да ја имате основната игра – Borderlands 2. Играта ви дозволува да одберете еден од шест уникатни ловци каде секој од нив има различни способности и моќи. Паралелно со тоа, истражувате мал, но преубав свет и урнебесна, но трогателна приказна која прави спој помеѓу научна фантастика и фантазија.
Tiny Tina’s Assault on Dragon Keep: A Wonderlands One-shot Adventure нуди пет часа адреналинска акција со нови оружја и нови непријатели. Зграпчете ја играта директно преку Steam, додека не е доцна!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
