LiveTcpUdpWatch е алатка на Nirsoft и е замислена да ви дава целосен и детален увид за тоа кои програми колку и на кој начин го користат вашиот интернет. Во ваквиот увид се вклучени и TCP (вчитување сајтови и преземање фајлови), како и UDP (стриминг на музика и видеа) конекции.
Со самото вклучување на алатката започнува и процесот на надгледување. Најсветлата точка кај оваа алатка е тоа што можете да ја надгледувате интернет активноста само на одредени програми. Ова е особено корисно во ситуации кога ќе инсталирате некој нов програм и сакате да дознаете дали истиот испраќа некакви податоци на развојниот тим.
Како некои од поновите функции на LiveTcpUdpWatch е можност за автоматско покренување со вклучување на компјутерот и препознавање на кој сервер е приклучен некој програм.
