Во случај да сте параноични по природа и да сметате дека некој постојано ви го чепка телефонот, Who Touched my Phone? е апликација со која конечно ќе дојдете до вистината.
Штом ја инсталирате, оваа апликација трпеливо работи во позадина и чека да види дали некој ќе го земе вашиот телефон и ќе проба да го отклучи. Апликацијата автоматски почнува да снима со предната камера и да го регистрира времето кога се случило таквото нешто. Можете да наместите да не се фотографираат само лицата со неуспешни обиди, туку и оние што можеби го знаат вашиот пин и успешно го отклучуваат телефонот.
Самата апликација може да се заштити со лозинка, а извештаите од сите обиди се складираат на облак.
