Сите оние кои планираат да купат нов паметен телефон, лаптоп, телевизор или пак фотоапарат, но не се сигурни дали е вистинскиот момент за тоа, треба да го посетат новиот веб сајт едноставно наречен Decide. Станува збор за веб сајт кој зема в предвид неколку фактори и ви предлага дали сега е вистинскиот момент да купите одреден производ.
Decide предвидува дали цените на одредени производи ќе паднат или ќе се качат во наредниот период, и исто така предвидува кога излегува нов модел од даден уред. До скоро, Decide даваше предвидувања само за лаптопи, телевизори и фотоапарати, а од сега корисниците ќе можат да дознаат и дали е вистинското време да го купат моделот на паметен телефон кој го посакуваат.
Доколку го посетите Decide.com и сакате да купите iPhone 4 ќе видите дека веб сајтот ви предлага да не избрзувате со оваа одлука и да почекате да се појави новиот, петти по ред модел на iPhone кој треба да се појави во пктомври.
Поради огромниот интерес околу iPhone5, Decide.com преку Twitter профил, @d_iphone, овозможува следење на најновите вести и шпекулации поврзани со новиот Apple производ. Главните извори се голем број на веб сајтови од областа на информатичката технологија како што се Gizmodo, TechCrunch, CNET, Engadget, MacRumors и многу други.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
