Доколку имате барем малку време во текот на денот и сакате да го посветите на оформување на вашето тело, тогаш MuscleWiki е веб сајт само за вас!
По посетување на вебсајтот, избирате машки или женски пол, а потоа, од понудените слики на телото, кое е прикажано од предна и задна страна, одбирате на кој дел сакате да работите. По одбирање некој дел од телотo, ќе ви бидат прикажани чекор-по-чекор инструкции за тоа какви вежби да правите и кои помошни средства да користите (тегови или справа).

MuscleWiki ги сервира демонстрациите во видео форма и инструкциите преку детален, текстуален опис. Пред да одберете некој дел од телото, можете да изберете и на кој начин сакате да вежбате преку некоја од опциите кои ги наоѓате над сликите (dumbbells, stretches, и слично).