Европскиот комесар за заштита на конкуренција Маргрет Вестагер, вели дека веројатно е дека Google нема да мора да плаќа нови казни во Европа.
Ова значи дека Европската комисија е задоволна од напредокот кој го прави Google за зголемување на конкуренцијата во онлајн трговијата. Комисијата проценува дека извештајот од последните промени е во посакувана насока. Сепак додаваат дека продолжуваат да ја следат работата, а и дека конечна одлука сè уште не е донесена.
„Добивме уште еден извештај за напредокот… Забележуваме многу позитивни промени во бројките, но сепак сè уште ја следиме ситуацијата одблизу, и засега немаме донесено одлука“, вели комесарката Вестагер.
Google во Европа е казнет со 2,4 милијарди евра бидејќи Европската комисија заклучи дека на својата платформа ги заштитувале сопствените интереси. Компанијата треба да им понуди исти услови и на конкурентите или ќе продолжат санкциите. Ако Комисијата заклучи дека Google не ги исполнил барањата, казните може да бидат секојдневни во висина од 5% од прометот, јави Reuters.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
