Еден од наjпопуларните сервиси за разговор, WhatsApp, наскоро ќе додаде видео разговор. Функцијата сè уште е во бета фаза, но наскоро би можела да се најде и на активната верзија, вели Android Authority.
Викендот дел од корисниците забележаа промени во копчето за аудио повик, по неговото притискање можеа да одберат помеѓу видео и аудио повици. Дел од корисниците тврдат дека успеале и да воспостават видео повик, но нема никаков доказ за ова. Првите вести за видео разговори на WhatsApp се појавија пред половина година, кога се појави screenshot од видео-разговор на iOS апликацијата.
Според она што се гледа на споделените слики е дека во иднина во копчето за разговор ќе бидат интегрирани и видео и аудио разговорите. Засега нема официјална најава за достапноста на видео разговорите, но најверојатно постепено ќе започнат да се додаваат корисници.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
