После еден месец откако Digg ја објави својата мобилна апликација за iOS, сега истата е достапна и за Android корисниците. Сервисот кој објави сопствен RSS читач откако згасна Google Reader, сè уште се обидува да привлече повеќе корисници од конкуренцијата. Како и кај iOS верзијата, и кај Android Digg и Digg Reader се во една апликација.
Според официјалниот блог напис од Digg, Android апликацијата се состои од неколку кул новитети:
- Брз пристап до најпопуларните стории и сите останати датотеки и RSS извори кои ги имате додадено;
- Гласање (Digg) или зачувување на било која сторија. Исто така, истите може да се испратат до Instapaper, Pocket или Readability, како и да се споделат на Facebook, Twitter итн…
- Сортирање на сториите според популарност со цел да заштедите на време и да видите за што најмногу се зборува на друштвените мрежи;
- Најавување на Digg Reader со вашите Facebook, Google или Twitter профили;
- Пребарување и додавање на нови извори. Истите може да бидат организирани во различни директориуми;
- Автоматско објавување на вашите дигови (објави) на Facebook.
Ова е првичната Digg апликација за Android. Digg вели дека има уште планови за надоградување на истата. Digg за Android е бесплатен и можете да го преземете од Google Play.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
