Dead Man’s Diary e уште една постапокалиптична survival игра. Германското развојно студио TML-Studios, најдобро познато по автобуските симулации Fernbus Simulator, Tourist Bus Simulator и The Bus, првин го пласира нивното чедо на PC, потоа на Xbox, а, од неодамна и на конзолата на Sony. Со играта се дружевме неколку дена и можеме да потврдиме дека се работи за, горе-долу, истиот продукт: одлична графика, но сомнителна глума и збунувачка реализација на одредени одлуки за истражување.
Линеарна Survival хорор игра
Dead Man´s Diary изгледа апсолутно преубаво на PS5. Околините се осмислени на реалистичен начин, со веродостојно осветлување и автентична поставеност на бројните предмети од секојдневието. Истражувањето во Dead Man´s Diary е празник за очи и најсилната, ако не и единствената светла точка во играта.
Светот во кој се наоѓате е полн со опасности кои доаѓаат во најразлични форми. Покрај тоа што треба да внимавате на чудовишта, Dead Man´s Diary жонглира и survival механики каде пробувате да откриете извори на вода, спиете на безбедни места и јадете храна која или сте ја нашле или сте ја уловиле. Покрај ова, ќе мора да крафтате работи и да решавате реалистични загатки.
На почетокот, лесно би можеле да бидете импресионирани од Dead Man´s Diary. Играта покажува потенцијал, како во приказната, така и во реализација на огромниот свет. Но, како поминува времето, ви станува се потешко и потешко да излезете на крај со лошата глума, со едни исти загатки, како обивање брави, или пак со честото вртење во круг. Не ни се допадна ни чувството на огнените оружја и нивното трапаво форсирање во вториот дел на играта.
Поради сево ова, многу е тешко да ви ја препорачаме играта како целосен пакет, освен ако, можеби, ја начекате играта на поголем попуст.
Повеќе детали за играта
- Произведува: TML-Studios
- Издава: TML-Studios
- Жанр: Авантура, хорор, survival
- Платформа: Microsoft Windows, конзоли
- Излезе на: 25 јануари 2024
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
