Во Порторико Twitter доби една поинаква употреба. Наместо да се користи за поврзување на луѓето, микро-блог платформата експериментално се користи за да го намали криминалот во земјата.
Под мотото „Следи ме, за да не ме следиш“, тројца затвореници, од кои двајца осудени за убиство, ги споделуваат нивните искуства од затворот. Затвореници своите твитови ги споделуваат анонимно под имињата „inmate1“, „inmate2“ и „inmate3“, а сите се сместени во затворот во Гуајама. Причина за воведување на канал на социјалните мрежи е високата стапка на криминал во земјата, во која минатата година имало 1.117 убиства на 4 милиони жители.
Hola mi nonbre es Alexander y soy un confinado que estoy asiendo 99 anos de pricion. Les pienso contar mi istoria de porque estoy confinado.
— confinado1 (@confinado11) October 2, 2012
Експериментот започнa успешно и за кратко време собра над 6.000 следбеници. Задолжениот за проектот, Хесус Гонзалес Круз, изјави дека тројцата затвореници имаат секојдневен, но надгледуван пристап на Twitter.
„Малкумина сонуваат да бидат криминалци, но стануваат поради неуспех. Ако сакате да бидете вистински водач, учете! Во тоа неможе да имате неуспех.“, е една од пораките кои ги споделуваат. Сепак успехот на екпериментот ќе зависи пред се од твитовите кои се лични и од искуствата кои затворениците ги имаат во затворот: „Во мо,емтов татко ми е болен, се би дал да бидам со него, но неможам. Ти можеш но не одиш“.
