Во последниот месец на виделина излезе дека Агенцијата за национална безбедност на САД (NSA) ја следи целата комуникација која се одвива на друштвените мрежи и сервиси кои ги нудат големите ИТ компании. Знаејќи го тоа, сега се наметнува прашањето дали NSA ќе може да нѐ шпионира преку камерата на Xbox One?, прашува Verge. Можеби досега не можеле секогаш да имаат визуелен преглед на корисниците преку лаптопот, бидејќи го затвараме, или преку телефоните бидејќи често се во нашите џебови, ранци или се свртени со камерата надолу. Но, Kinect, кој доаѓа со секој нов Xbox One, ја има вклучено камерата во секое време, па дури и кога е исклучен.
Според Фил Харис од Microsoft, тие никогаш не би го искористиле Kinect-от за да следат некого. На блогот за Xbox е објавено дека камерата и микрофонот не снимаат и не испраќаат аудио-визуелна содржина до серверите на Microsoft, или кога се случува тоа, тие се анонимизирани. Гласовните команди стигаат до серверот, но пред да ја напуштат машината тие се трансформираат во текст.
Но, и покрај тие наводи, дали сѐ уште можеме да му веруваме на Microsoft кој соработуваше со NSA во набљудувањето? Дали тоа нема да се промени со некое од следните надоградувања? Во САД приватноста на корисниците е заштитена со четвртиот амандман, но како што покажаа неодамнешните откритија за програмите за набљудување, мета на тие програми се корисниците кои не се жители на САД.
After today's NSA revelations, who in their right mind would trust an always-on Microsoft-controlled Xbox camera in their living room?
— Christopher Soghoian (@csoghoian) July 11, 2013
Шпијунирајне??? НЕЕЕ! Е како да не, Мајкрософт ќе му дозвололел на Набљудувачкио Сервис од Америка
(НСА) да шпијунира како шо ќе му текнело!
Сигурно нема бееее….
(ахам, ко ќе си го видам тилот без огледала….)
п.с.
во случај да не се разбрафне, саркастичен беф!