Facebook започна да тестира опција со која корисниците, не брендовите и компаниите, ќе имаат можност да платат мала сума и да истакнат свој пост. Тестовите моментално се водат со корисниците во Нов Зеланд, и се уште еден обид на Facebook да ја искористи својата одлична платформа за споделување и да направи пари од некоја реклама повеќе вметната во корисничкиот стрим на вести.
Според Том Пулар-Стрекер, кој објави слика од опцијата, Facebook бара околу 2 долари за да истакне кориснички пост. Овој пост ќе биде истакнат најгоре во фидот на вести, но нема да бидат многу различни од вообичаените статуси.
Facebook потврди дека тестира таква опција, и вели дека со овие тестови ќе откријат дали корисниците се заинтересирани за валвп нешто.
„Постојано тестираме нови опции. Овој тест е едноставно за да провериме дали има интерес кај корисниците за ваков метод на споделување со пријателите.“
Опцијата може да биде исклучително интересна за корисниците кои сакаат да си ги истакнат професиите преку свој личен профил, пример дизајнер може да си ги промовира делата, маркетерите да промовираат своја кампања. Исто така може да биде корисна за истакнување на настани, пример роденден или журки.
Но, од друга страна идејата зад друштвената мрежа беше да им овозможи бесплатно и слободно да се споделуваат токму такви промотивни нарцисистички постови кои ги истакнуваат интересите на корисникот. Плаќање за постови ќе може да значи дека вистинските постови од пријателите ќе бидат ставени во позадина бидејќи ете некој решил да се промовира.
Всушност, ако некој сака да се промовира зошто да не си отвори фан страна која служи токму за такво нешто.
Или брендовите да ангажираат (плаќаат) индивидуалци кои имаат влијание врз своите пријатели за да споделат нивен производ/услуга како лична препорака :)