Новoто нешто од Apple не е телефон, таблет компјутер или некој друг убаво дизајниран уред, туку чудна маска за iPhone 6S. Маската е наменета да го штити телефонот, и да функционира како дополнителна батерија која овозможува телефонот да функционира без полнење до 25 часа. Доколку имате постар модел, за жал ќе мора да користите некои од производите од други компании – новата паметна маска доаѓа единствено за iPhone 6 и iPhone 6s.
Она што сепак е позитивно изненадување е дека ова е прва интегрирана батерија од Apple од 2007 година кога беше претставен првиот iPhone, вели Appleinsider. Маската е изработена од силикон, и доаѓа со приклучок кој овозможува истовремено полнење на батеријата на телефонот и батеријата интегрирана во маската. Батеријата е поставена на задниот дел речиси во цела должина на телефонот. За жал, како и останатите уреди од Apple, цената на маската се чини превисока. За Smart Battery Case ќе бидат потребни 100 долари.
Jony Ive is clearly on vacation this year.. That iPhone battery case was clearly designed to piss somebody off..
— Jaime Rivera (@Jaime_Rivera) December 9, 2015
Со исклучок на цената станува збор за корисна идеја бидејќи на секој корисник на паметен телефон му е потребна подобра батерија. Но, тоа што разочарува е дизајнот.
