Не толку одамна преку мобилните телефони испраќаа текст пораки само преку SMS. Но, сега имаме неверојатен избор од куп апликации како WhatsApp, Viber, Facebook Messenger, iMessage и уште многу други. Ги има многу, па често користиме повеќе од една бидејќи мобилните платформи ги имаат нотификациите со кои лесно скокаме од една на друга апликација. Иако не сме сигурни која апликација е најпопуларна во Македонија, WhatsApp со 300 милиони корисници месечно, е најпопуларната апликација за текстуални пораки во светот. Viber, Skype и Facebook Messenger се блиску, иако не треба да ги потцениме и апликациите за краткотрајни пораки како Snapchat кои стануваат се популарни.
За разлика од поголемиот дел од останатите апликации WhatsApp е бесплатна во првите шест месеци за Windows Phone или една година за iOS и Android, а понатаму нејзиното користење чини 99 центи годишно. Најголема предност на апликацијата е нејзината едноставност и се разбира навистина големиот број на корисници. Недостаток е што апликацијата е токму замена за SMS пораките, па дел од опциите како видео разговор или повик не се достапни. Преземи: iOS | Android | Windows Phone | BlackBerry
Viber е најверојатно најчесто користената апликација за испраќање на текст пораки кај македонските корисници. Viber е бесплатен, а се дополнително се наплаќаат најразлични стикери и емотикони. Апликацијата овозможува и видео разговори и испраќање на аудио пораки, како и телефонски повик. Ако ви е потребно повеќе од текст пораки за да се изразите, можете да одберете од куп бесплатни стикери и емотикони, а доколку и ова не е доволно може да изберете и некој од оние кои се наплаќаат. Преземи: iOS | Android | Windows Phone | Blackberry
Доколку не знаете нечиj телефонски број, тогаш најдобар избор е Facebook Messenger. На друштвената мрежа се половина од интернет корисниците и една шестина од светската популација, што значи дека веројатноста да ги пронајдете вашите пријатели е најголема токму со оваа апликација. Најголема предност покрај огромниот број на корисници е едноставноста за користење, а веќе станува и задолжителна апликација доколку сакате да им испраќате Facebook-пораки на вашите пријатели од телефон. Преземи: iOS | Android | Blackberry 10 | Web
Google Hangouts е уште една опција која им е достапна на корисниците на повеќе платформи, иако сепак е достапна единствено за iOS, Android и десктоп. Голема предност е што се бесплатни видео разговорите во кој можат да учествуваат повеќе корисници. Недостаток е неможноста за испраќање на SMS пораките (tnx до @boriseto што во коментарите ни посочи дека може да се испраќаат SMS пораки) и непостоење на апликација за Windows Phone и Blackberry. Преземи: iOS | Android
[youtube]XkpjZ7oA_Qg[/youtube]
[youtube]I8kQplrFvEk[/youtube]
Snapchat овозможува споделување на текст пораки или слики кој „траат“ 10 секунди за потоа да бидат заборавени, иако веќе има и опција за задржување на фотографиите или текстот. Апликацијата е супер популарна во САД, но за жал со ограничен успех во остатокот на светот. Преземи: iOS | Android
[youtube]UvhiRIT5DvU[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Првиот screenshot не е од iOS, извинете ако ве збунив. Инаку од iOS може да се праќаат само ако имате активирано Google број (пробано од iPad) и тогаш SMS пораките кон САД и Канада се бесплатни, а кон другите држави си се наплаќаат по некој цент.
Амм, зашо Hangouts пишувате дека нема испраќање на SMS пораки? https://dl.dropboxusercontent.com/u/15703389/Scre…
Моментално преку iOS и на компјутери може да правиш и повици кон било чиј број: https://dl.dropboxusercontent.com/u/15703389/Scre…
За Андроид се чека апдејт веќе подолго време, но најверојатно ќе го видиме во скоро време.