Програмерскиот тим на популарниот ROM за Android, CyanogenMod, сака да стартува продавница која ќе ги има апсолутно сите Android aпликации, дури и тие кои ќе бидат забранети или тргнати од официјалниот Android Market.
Продавницата би требало да содржи емулатори, визуелни говорни сандачиња, тетеринг, и друг софтвер кој не е според правилата на Google, вели член на CyanogenMod заедницата, Коушик Дута, кој објави и дизајн како би изгледала продавницата.
Пред само десетина дена, CyanogenMod објави дека нивниот популарен фирмвер за Android е симнат над 1 милион пати, што може да значи дека и продавницата би била доста популарна. Според заедницата, ROM-от, покрај персонализиран интерфејс, ја подобрува батеријата и нуди подобри перформанси на Android уредите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Вклучува и кернел и драјвери и се, да дека е оперативен систем, но чини и начин на работа такашто официјално РОМ-овите за мобилни уреди се водат како firmware, не само на сајтот на цијаноген туку општо.
Се супер, само CyanogenMod не е фирмвер, туку е Андроид базиран ОС (оперативен систем) или, поедноставно – custom ROM. Фирмвер, на пример, има чипот за радио сигнали (GSM, GPS и слично…)
Се согласувам. Но според сајтот е објаснет како фирмвер. http://www.cyanogenmod.com/